陈法拉唔介意同薛世恒演情侣:要睇剧本 古天乐雪儿隔17年再合作

08-09 16:27 首页 HKChannel




今日快报



廖碧儿新加坡开工烧到入“厂”

 


艺人廖碧儿(Bernice)接受电台访问,提到早前在新加坡拍剧发高烧搞到入医院,她说:“开拍时撞啱当地啲菌好劲,好多演员都病咗,我拍到第9日就发高烧要住院两日,之后咁啱返香港工作,所以喺香港再睇医生。”



她透露难得返港,会相约好友食饭。提到年初被拍得密会神秘富豪,问到会否相约对方?Bernice澄清大家只是朋友,更表示不心急拍拖:“之前心急啲。(父母已经放弃?)唔系放弃,冇催啰,佢已经有5个孙,其实拍拖、结婚要讲Timing。(会闪婚?)又唔会。”


自嘲似乱伦 连诗雅孖周柏豪滚梳化



演员张继聪、蔡瀚亿、林敏骢、雨侨、连诗雅等在尖沙咀天星码头为电影《西谎极落:太爆?太子?太空舱》宣传。



连诗雅片中与周柏豪饰演一对离别情侣,问到是否有不少床戏?她笑说:「床戏就冇,反而有场梳化戏,喺梳化度滚嚟滚去,有少少咀戏,因为讲我哋离别前最后一次见面,所以唔算好激烈嘅。(同周柏豪咀尴尬?)拍咀戏要睇对手,同周柏豪好friend,所以冇尴尬,但系一向当佢系哥哥,就有少少乱伦feel,哈哈。」


食咗防腐剂?古天乐雪儿隔17年合作冇老过

 


艺人古天乐(古仔)、雪儿及陈汉娜忙于为新戏《杀破狼·贪狼》宣传。入行以来未试过“打得咁甘”的古仔,笑指自己其实拍了部电影叫《太甘》:“呢啲打法以为只会出现喺洪金宝身上,起初睇到剧本对眼都跌咗落嚟,惟有逐步逐步嚟,每日训练、现场又练,要记招式,系好玩嘅,只系拍摄时要顾及节奏,打出去又惊冇力。今次都算应付到,掌握咗一啲指引,依家我都拍紧另一套打戏,只手瘀咗。”



古仔又谦称拍档Tony Jaa练两次打戏,自己却足足练出半天!提到再与雪儿合作,古仔表示:“我哋去泰国外景,要搵一位女角做我囡囡童年回忆嘅妈妈,咁啱嗰时电视播紧《创世纪》(雪儿有份演),我同雪儿对上一次合作已经系17年前拍《寻秦记》嗰阵,而我同佢依家都有联络嘅,咪提议搵佢啰。”



据悉今次雪儿占戏不多,她形容与古仔合作舒服:“自然啰,大家old friend嘛。”


陈法拉唔介意同薛世恒演情侣:要睇剧本



女星陈法拉出席GIVENCHY Beauty唇膏活动,她透露刚从法国拍摄微电影返港,今晚又要飞往纽约继续读书,她说:“今年系最后一个学期,出年五月就毕业,依家以排戏演出为主,喺毕业嗰阵演出。”


谈到其前度薛世恒入娱乐圈,陈法拉称有留意报道,问到是否支持对方入行?她笑言:“支持佢。(会唔会年纪太大先入行?)男艺人寿命好长,有排做。(有冇畀意见佢?)冇,佢咁大个仔识?啦。(你哋仲有冇联络?)间中都有联络,佢都有同我讲。(介唔介意合作拍戏?)将来要睇剧本,有啱将来先算。(如果剧本啱?)如果有啱都唔会介意。将来嘅事将来先知。(喺戏中做情侣呢?)边个写剧本写到咁啱。(为你度身订造?)咁酬劳要高啲。(酬劳高就得?)到时先算。(男友会唔会呷醋?)唔会,做嘢还做嘢。”


法拉表示从来未有在公开场合跟前度见面,就算见到也不会尴尬,而且两人也有联络:“我哋对上一次见面,系佢去美国参加王君馨婚礼,我哋一齐食咗餐饭,大家关系都OK。”


张柏芝早起凑仔返学 仔仔校服Look抢焦



8月8号系咩日子?咪就系张柏芝两个仔Lucas同Quintus嘅开学日啰!由于呢个日子对柏芝嚟讲好重要,所以佢早几日喺社交网同粉丝玩直播时都不自觉系咁提呢日。



时间过得好快,呢日眨吓眼就杀到,而栢芝亦一早就起身做足准备。见到佢头戴Cap帽、孭埋手挽袋,身边仲带住两个仔,似乎一切准备就绪!佢喺Instagram晒出三人合照,并留言:“退学啦,放咗两旧肥猪仔,现在去街市买多两旧肥猪肉。”退学?网民都好奇怪点解栢芝会咁讲,不过相信佢都系同大家讲吓笑,刻意将“返学”打成“退学”啫!


有网友留言大赞Lucas同Quintus着上校服真系好靓仔呀!

?转载授权微信:lama129

? 商务QQ:443317765

?投稿邮箱:tghkchannel@163.com


首页 - HKChannel 的更多文章: